History

History Of Our Institution

കേരളത്തിൻ്റെ മക്കയെന്ന പൊന്നാനിയുടെ സമീപത്ത്, കുറ്റിപ്പുറം എടപ്പാൾ തുടങ്ങിയവയുടെ ഏകദേശം മധ്യഭാഗമായ കാടഞ്ചേരി എന്ന പ്രദേശത്ത്, വിജ്ഞാ നത്തിന്റെ നിറഗോപുരമായി നിലനിൽക്കുന്ന ഉന്നത കലാലയമാണ് നൂറുൽ ഹുദാ വിമൺസ് കോളേജ്.മദ്റസ ഏഴാം തരവും സ്‌കൂൾ എസ് എസ് എൽ സിയും വിജയിച്ച പെൺകുട്ടികൾക്ക് മത ബിരുദവും ഭൗതിക ബിരുദവും ഒരുമിച്ച് ലഭ്യമാക്കുന്ന സമസ്തയുടെ ഫാളില ഫളീല കോഴ്‌സാണ് സ്ഥാപനം പിന്തുടർന്ന് പോരുന്നത്. ധാർമികവും, ആത്മീയവുമായ ഇസ്ലാമിക വിജ്ഞാനങ്ങളിലും സമകാലികവും ശാസ്ത്രീയവുമായ ആധുനിക വിഷയങ്ങളിലും കഴിവുറ്റ പണ്ഡിതകളെ വളർത്തിയെടുക്കുകയും, അനുവദനീയ മായ നിലയിലുള്ള പ്രബോധന മേഖലകളിൽ പരിശീലിപ്പിക്കുകയും ചെയ്യുക എന്നതാണ് പ്രധാനമായും ലക്ഷ്യമിടുന്നത്.സമസ്ത‌യുടെ പ്രസിഡൻ്റായിരുന്ന ശൈഖുനാ ആനക്കര കോയക്കുട്ടി മു സ്ലിയാരുടെ തിരുഹസ്‌തങ്ങളാലാണ് സ്ഥാപനത്തിൻ്റെ ശിലാ കർമ്മം നിർവഹിച്ചത്. സമസ്തയുടെയും, പാണക്കാട് സയ്യിദന്മാരുടെയും ആത്മീയ താങ്ങിലും തണലി ലുമാണ് സ്ഥാപനം വളർന്നുകൊണ്ടിരിക്കുന്നത്. പാണക്കാട് സയ്യിദ് ഹൈദരലി ശിഹാബ് തങ്ങളാണ് സ്ഥാപനത്തിൻ്റെ ഉദ്ഘാടന കർമ്മം നിർവഹിച്ചത്. പാണക്കാ ട് സയ്യിദ് സ്വാദിഖ് അലി ശിഹാബ് തങ്ങളാണ് സ്ഥാപനം നടത്തുന്ന അസാസുൽ ഇസ്ലാം വെൽഫെയർ അസോസിയേഷൻ്റെ തുടക്കം മുതൽ ഇന്നേ വരെയുള്ള പ്ര സിഡന്റ്. സ്ഥാപനത്തിലെ പ്രഥമ ബാച്ച് വിദ്യാർത്ഥിനികളുടെ പഠനാരംഭം 26/06/2025 ന് പാ ണക്കാട് സയ്യിദ് അബ്ബാസലി ശിഹാബ് തങ്ങൾ നിർവ്വഹിച്ചു.നമ്മുടെ സ്ഥാപനം മത-ഭൗതിക വൈജ്ഞാനിക -സാംസ്കാരിക-ആത്മീയ മണ്ഡലങ്ങളിൽ അതുല്യ സേവനങ്ങൾ നിർവഹിച്ചു മുന്നേറിക്കൊണ്ടിരിക്കുന്നു.